Astrology: ज्योतिषशास्त्रानुसार, प्रत्येक राशीचे स्वतःचे वेगळे स्वरूप असते. याच्या आधारे कोणत्याही व्यक्तीचा स्वभाव आणि व्यक्तिमत्त्व जाणून घेता येते. 12 राशींपैकी तीन लोक त्यांच्या ध्येयांबाबत खूप गंभीर असतात. या राशीचे लोक कोणाकडून तरी काम करून घेण्यात हुशार असतात. त्यांच्या या स्वभावामुळे हे लोक प्रगतीही करतात. चला जाणून घेऊया या तीन राशी कोणत्या आहेत.
मिथुन
या राशीचे लोक बोलण्यात खूप पटाईत असतात. या लोकांना फक्त स्वतःबद्दल चांगले ऐकायला आवडते. वादात त्यांना लोकांवर वर्चस्व गाजवायचे असते. त्यांचे ऐकले नाही तर मैत्री तोडायला हे लोक अजिबात उशीर करत नाहीत. या लोकांसाठी, स्वाभिमान ही सर्वात महत्वाची गोष्ट आहे. हे लोक आपल्या ध्येयाशी तडजोड करत नाहीत, ते साध्य करण्यासाठी सर्वतोपरी प्रयत्न करतात. अशा लोकांना यशही मिळते.
सिंह
या राशीच्या लोकांना नेहमी चर्चेत राहणे आवडते. हे लोक खूप महत्वाकांक्षी असतात आणि पुढे जाण्यासाठी कठोर परिश्रम करतात. ते प्रबळ स्वभावाचे आहेत. सूर्य त्यांच्या राशीचा स्वामी आहे. सूर्य हा सर्व ग्रहांचा राजा देखील आहे. ते प्रत्येक गोष्टीचे नेतृत्व करण्याचा विचार करतात. त्यांच्या अधिकारात कोणी ढवळाढवळ केली तर ते सहन करू शकत नाही. ते आपल्या शत्रूला सहजासहजी माफ करू शकत नाहीत. जे ठरवायचे ते मिळाल्यावरच ते श्वास घेतात.
कन्या
या राशीचे लोक पैशाच्या व्यवहारात खूप गंभीर असतात. प्रत्येक गोष्टीची नोंद ठेवण्यावर त्यांचा विश्वास आहे. पैशाच्या बाबतीत ते कोणावरही सहजासहजी विश्वास ठेवत नाहीत. हे लोक मित्रांनाही खूप विचारपूर्वक मदत करतात. जर कोणी त्यांचे मन दुखावले असेल तर ते त्यांना माफ करू शकत नाहीत. ते मैत्री आणि नातेसंबंधात सन्मानाची विशेष काळजी घेतात. ते सन्मानाशी तडजोड करत नाहीत. त्यांचे कौतुक ऐकून छान वाटते. त्यांच्या मित्रांची संख्या जास्त आहे. ते आपल्या कौशल्याने आणि परिश्रमाने जीवनात अपार यश मिळवतात.
‘या’ राशीच्या लोकांना रागावर ठेवावे लागणार नियंत्रण!
मेष (Aries) : मेष राशीच्या लोकांनी आपल्या रागावर नियंत्रण ठेवण्याचा पुरेपूर प्रयत्न केला पाहिजे. ज्योतिषशास्त्रानुसार मेष राशीचा स्वामी मंगळ आहे. अर्थात या राशीवर मंगल ग्रहाचा मोठा प्रभाव आहे. मंगळ ग्रह हा धैर्य, युद्ध, संहारक, क्रोध इत्यादींचाही कारक आहे. जेव्हा, मेष राशीच्या कुंडलीत मंगळ ग्रहाची वक्र दृष्टी असते, तेव्हा व्यक्ती आपल्या रागावर नियंत्रण ठेवू शकत नाही. अशा वेळी या व्यक्ती रागापायी स्वतःचे मोठे नुकसान करतात.
सिंह (Leo) : सिंह राशीचे लोक निडर आणि बेधडक असतात. सूर्य या राशीचा स्वामी आहे. जेव्हा तो शुभ असतो, तेव्हा या राशीच्या व्यक्ती उच्च पदावर पोहोचतात आणि यश मिळवतात. ते नेहमी सर्वांना सोबत घेऊन पुढे जातात. अशी लोक आजबाजूच्या लोकांमध्ये खूप प्रसिद्ध असतात. लोक त्यांच्या बोलण्यावर लगेच विश्वास ठेवतात. परंतु, जेव्हा या राशीवर राहू किंवा केतू या अशुभ ग्रहांची वक्र दृष्टी पडते, तेव्हा त्यांना नैराश्य येते आणि रागाच्या भारत ते नुकसान ओढवून घेतात.
वृश्चिक (Scorpio) : वृश्चिक राशीचा स्वामीही मंगळ आहे. जेव्हा मंगळ शुभ असतो, तेव्हा तो खूप शुभ गोष्टी घडतात. पण जेव्हा, या राशीवर राहूची दृष्टी पडते, तेव्हा या राशीच्या लोकांना अनेक दुष्परिणाम भोगावे लागतात. अशावेळी या राशीचे लोक रागाच्या भरात चुकीच्या कामात अडकून व्यक्तीचे मोठे नुकसान होते. राहू आणि मंगळाच्या संयोगाने अंगारक योग तयार होतो. या स्थितीत वाद झाल्यास मोठे नुकसान होण्याची शक्यता असते.
मकर (Capricorn) : मकर राशीचा स्वामी शनिदेव आहे. शनी हा अतिशय कठोर ग्रह आहे. ज्योतिषशास्त्रानुसार सर्व ग्रहांमध्ये शनीला थेट न्यायाधीशाची पदवी मिळाली आहे. जेव्हा शनि चंद्र किंवा इतर अशुभ ग्रहांच्या संपर्कात येतो, तेव्हा त्याच्या क्रोधामुळे व्यक्तीचे मोठे नुकसान होऊ शकते. अशा व्यक्ती मानसिक तणावानेही त्रस्त असतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ज्ञाचा सल्ला घ्यावा.)
महत्वाच्या बातम्या :
Lucky zodiac sign : 'या' तीन राशीच्या लोकांना प्रत्येक गोष्टीत नशीब देते साथ