गौतमी पाटील हे नाव गेल्या काही दिवसांपासून चर्चेत आहे. अश्लील नृत्यामुळे चर्चेत असलेली गौतमी आता सिनेमात झळकणार आहे. गौतमीचा 'घुंगरु' हा सिनेमा लवकरच प्रेक्षकांच्या भेटीला येणार आहे. 'घुंगरु' या सिनेमाची घोषणा झाल्यापासून चाहत्यांना या सिनेमाची उत्सुकता लागली आहे. गौतमीच्या 'घुंगरु' या सिनेमाचं शूटिंग सोलापूर, माढा, हंपीसह परदेशात झालं आहे. 'घुंगरु' या सिनेमात गौतमी पाटील नक्की कोणती भूमिका साकारणार हे अद्याप समोर आलेलं नाही. एका व्हायरल व्हिडीओमुळे गौतमी पाटील रातोरात प्रसिद्धीझोतात आली होती. गेल्या काही दिवसांपासून गौतमी वादाच्या भोवऱ्यात अडकली आहे. सोशल मीडियावर गौतमीला ट्रोलिंगचा सामना करावा लागत आहे.