हिंदू पंचागानुसार, धनत्रयोदशी (Dhanteras 2022) दरवर्षी कार्तिक कृष्ण पक्षाच्या त्रयोदशी तिथीला साजरी केली जाते. धनत्रयोदशीचा सण सोने-चांदी आणि भांडी खरेदीसाठी खास आहे. यासोबतच लोक या दिवशी झाडूही खरेदी करतात. धार्मिक मान्यतेनुसार झाडू हे देवी लक्ष्मीचे प्रतीक आहे. त्यामध्ये लक्ष्मीचा वास असल्याचे मानले जाते. त्यामुळे धनत्रयोदशीच्या दिवशी लक्ष्मी देवीचा आशीर्वाद घेण्यासाठी लोक झाडू खरेदी करतात. धार्मिक मान्यतेनुसार धनत्रयोदशीला खरेदी केलेल्या वस्तू तेरा पटींनी वाढतात. या दिवशी झाडू खरेदी करण्याची परंपरा वर्षानुवर्षे सुरू आहे. पौराणिक मान्यतेनुसार झाडू हे देवी लक्ष्मीचे प्रतीक आहे. घरामध्ये झाडूला पाय लागला तर ते अशुभ मानले जाते. धनत्रयोदशीच्या दिवशी लोक बाजारातून नवीन झाडू खरेदी करतात आणि घरी आणून स्वच्छ करतात. वास्तूनुसार रात्री मुख्य दारावर झाडू ठेवल्याने घरातील सर्व नकारात्मक ऊर्जा दूर होते.