Gujrat Plane Crash Chaiwala : लेक जळून खाक,आई सैरावैरा पळू लागली; थरकाप उडवणारी कहाणी

Gujrat Plane Crash Chaiwala : लेक जळून खाक,आई सैरावैरा पळू लागली; थरकाप उडवणारी कहाणी

Ahmedabad Plane Crash: अहमदाबादमधील विमान अपघातातून आतापर्यंत 235 मृतदेह बाहेर काढण्यात आले आहेत. त्यापैकी 241 जण विमानात प्रवासी आणि क्रू मेंबर्स होते. 5 मृत हे विमान ज्या मेडिकल हॉस्टेलमध्ये कोसळले त्या मेडिकल हॉस्टेलमधील आहेत. ज्या बीजे मेडिकल कॉलेज हॉस्टेलमध्ये विमान कोसळले त्या हॉस्टेलमध्ये 50 हून अधिक लोक उपस्थित होते. तथापि, हॉस्टेलमध्ये किती मृत्यू झाले हे अद्याप स्पष्ट झालेले नाही. 4 एमबीबीएस विद्यार्थी आणि एका डॉक्टरच्या पत्नीचा मृत्यू झाल्याचे वृत्त आहे. दरम्यान, पंतप्रधान मोदी शुक्रवारी सकाळी अहमदाबादला पोहोचले. सर्वप्रथम त्यांनी घटनास्थळी भेट दिली. त्यानंतर ते सिव्हिल हॉस्पिटलमध्ये गेले, जिथे त्यांनी सुमारे 10 मिनिटे पीडितांची भेट घेतली.

एअर इंडियाचे बोईंग 787 ड्रीमलाइनर फ्लाइट एआय-171 गुरुवारी दुपारी 1:38 वाजता अहमदाबादहून लंडनला निघाले. विमानात एकूण 230 प्रवासी होते, ज्यात 169 भारतीय, 53 ब्रिटिश, 7 पोर्तुगीज आणि एक कॅनेडियन नागरिक होता. त्यानंतर अवघ्या दोन मिनिटांनी विमान कोसळले. यामध्ये 103 पुरुष, 114 महिला, 11 मुले आणि 2 नवजात बालकांचा समावेश होता. उर्वरित 12 जण क्रू मेंबर होते. मृतांमध्ये गुजरातचे माजी मुख्यमंत्री विजय रुपाणी यांचाही समावेश आहे, तर फक्त एक प्रवासी बचावला.