Dubai Tejas Fighter Crash : दुबईत मोठी दुर्घटना, एअर शो दरम्यान तेजस लढाऊ विमान क्रश

दुबई: दुबई येथे सुरू असलेल्या आंतरराष्ट्रीय एअर शो (Air Show) दरम्यान आज, शुक्रवारी (२० नोव्हेंबर, २०२५), एक मोठी दुर्घटना घडली आहे. प्रात्यक्षिक करत असताना भारतीय हवाई दलाचे (IAF) स्वदेशी बनावटीचे 'तेजस' (Tejas) लढाऊ विमान अचानक कोसळले.

स्थानिक वेळेनुसार दुपारी सुमारे २:१० वाजता ही घटना घडली. 'तेजस' (Light Combat Aircraft - LCA) हे हिंदुस्तान एरोनॉटिक्स लिमिटेड (HAL) ने विकसित केलेले हलके लढाऊ विमान आहे.

• अपघातस्थळ: हे विमान अल मक्तूम आंतरराष्ट्रीय विमानतळाजवळ क्रॅश झाले.

• परिणाम: विमान कोसळताच तात्काळ मोठा स्फोट होऊन आगीचा लोळ आणि काळया धुराचे लोट आकाशात पसरले. एअर शो पाहण्यासाठी जमलेल्या प्रेक्षकांमध्ये यामुळे मोठी घबराट पसरली.

• पायलटची स्थिती: प्राथमिक माहितीनुसार, वैमानिक (पायलट) सुरक्षित बाहेर पडला की नाही, याची माहिती अजून अस्पष्ट आहे. अधिकृत माहितीची प्रतीक्षा आहे.

• भारताला धक्का: 'तेजस' हे भारताच्या संरक्षण क्षेत्रातील एक महत्त्वाकांक्षी पाऊल आहे आणि या अपघातामुळे भारताला मोठा धक्का बसला आहे. या एअर शोमध्ये भारताची हवाई क्षमता दाखवण्यासाठी हे विमान सहभागी झाले होते.