Bharat Gogawale On Vikas Gogawale : भरतशेठला कुणीही हरवू शकत नाही, मुलाच्या विजयावर प्रतिक्रिया
महाड मधून नातेतर्फे बिरवाडी जिल्हा परिषद गटातून मंत्री भरत गोगावले यांच्या सुपुत्र विकास गोगावले यांचा 5000 मतांच्या फरकाने विजय. महाडमध्ये 5 जिल्हा परिषदेच्या जागांवर शिवसेनेचे उमेदवार आघाडीवर असल्याने कार्यकर्त्यांनी मोठा जल्लोष केला. भरत गोगावले यांनी माध्यमांशी बोलताना भरत गोगावलेंना कुणी हरवू शकत नाही अशी प्रतिक्रिया दिली आहे. ते म्हणाले की, हा माझ्या कार्यकर्त्यांचा विजय आहे. माझ्या कार्यकर्त्यांनी केलेल्या कामाचा, मेहनतीचा विजय आहे. हा जनतेने दिलेला विजय आम्ही स्वीकार करतोय, आणि हा विजय जनतेच्या चरणी अर्पण करतोय. आम्ही जे काम करतोय, जनतेने आम्हाला स्वीकारलय, भरतशेठची नियत जोपर्यंत चांगली आहे. तो पर्यंत भरतशेठला कुणीही हरवू शकत नाही, हा माझा दावा होता. माझं आणि कुटुंबाचं हेच म्हणणं आहे की, गोरगरिब, शेतकरी आपला मतदार असतो, त्याचा अवमान झाला नाही पाहिजे. आम्ही त्यांच्या पाठिशी असतो. त्याला सहकार्य करण माझं कर्तव्य आहे, आणि त्याचाच मोबदला मला आज जनतेने दिला.