Pune FDA Raid Vastav 304 : माझा खवा खराब निघाल्यास फाशी द्या, शेतकऱ्याचं FDA ला आव्हान...
Pune FDA Raid Vastav 304 : माझा खवा खराब निघाल्यास फाशी द्या, शेतकऱ्याचं FDA ला आव्हान...
गणेशोत्सवाच्या पार्श्वभूमीवर पुणे शहर व जिल्ह्यात बाहेरील राज्यांतून आणि लगतच्या जिल्ह्यांतून येणाऱ्या भेसळयुक्त अन्नपदार्थांच्या तस्करीविरोधात अन्न व औषध प्रशासनाने मोठी कारवाई केली आहे. अन्न व औषध प्रशासनाच्या आयुक्त कार्यालयाला मिळालेल्या गुप्त माहितीच्या आधारे मागील ८ ते १२ दिवसांपासून या संशयास्पद गाड्यांवर पाळत ठेवली जात होती. या गुप्त मोहिमेअंतर्गत कारवाई करत प्रशासनाने सुमारे ३९ लाख ४३ हजार रुपये मूल्याचा खवा व पनीरचा मोठा साठा जप्त केला आहे. या कारवाई प्रकरणी अन्न व औषध प्रशासनाचे अधिकारी यांनी माहिती देताना सांगितलं की, 6 वाजता गाड्या आल्या, त्यामध्ये खवा आणि पनीर होते. पनीर 12 हजार 500 किलो 27000 लाख किंमतीचे आहे. तर 11 लाखांचा खवा जप्त करण्यात आला आहे. पनीरच्या गाड्या कर्नाटकातून आल्या होत्या आणि खव्याच्या गाड्या वाशीमधून आल्या होत्या. सगळ्यांचे बिल तपासले जाणार आहेत आणि ज्यांचे बिल आढळतील त्यांच्यावर कारवाई करण्यात येईल. वीस ते पंचवीस विक्रेत्यांना हा खवा आणि पनीर पुरवला जाणार असल्याची माहिती आहे. जो कोणी दोषी आढळेल त्याच्यावर कारवाई केली जाणार आहे, अशी माहिती देखील अधिकाऱ्यांनी दिली आहे. तर याबाबत खवा घेऊन आलेल्या शेतकऱ्यांनी याबाबत प्रतिक्रिया दिली आहे.तर वाशीतील शेतकरी बन्सी डोईफोडे यांनी बोलताना म्हटलं की, हा खवा ओरिजनल आहे, यात कोणतीही भेसळ नाही. आम्ही स्वतः तयार केलेला खवा आहे, मी स्वतः घेऊन ते घेऊन आलेलो आहोत. गाई म्हशीच्या दुधापासून खवा बनवून आणलं आहे. माझं 40000 रूपयांचं नुकसान झालं आहे. खव्याचा सॅम्पल तपासणीत फेल झाला तर आम्हाला फाशी द्या, शेतकऱ्याचा व्यवसाय आहे. गावात सोयी सुविधा नाही शेतकरी स्वतः मेहनत करून खवा तयार करतो तो पुण्यात आणतो. तुकाराम मुंडेंनी काही नियम शिथिल केले पाहिजेत. शेतकऱ्यांना फटका बसत आहे, व्यापाऱ्यांना फटका बसत नाहीये.