Mulund Metro Accident : मुलुंडमध्ये LBS रोडवर वडाळा-कासारवडवलीच्या मेट्रोच्या बांधकामाचा स्लॅब कोसळला

दुर्घटनांनी अनेकदा हादरलेली मुंबई पुन्हा एकदा एका अपघातानं हादरलीय...मुलुंडमध्ये एलबीएस रोडवर वडाळा ते कासारवडवलीच्या मेट्रोच्या बांधकामाचा स्लॅब कोसळल्यानं मोठी दुर्घटना घडलीय...यामध्ये एकाचा मृत्यू झाला असून ३ जण जखमी झालेत...तसंच २ ते ३ वाहनं स्लॅबखाली दबली गेलीत...
जॉन्सन अँड जॉन्सन कंपनीजवळ सुरू असलेल्या मेट्रोच्या कामावेळी हा स्लॅब कोसळला. एलबीएस रोडवरून ठाण्याकडून मुंबईकडे जाणारी वाहतूक या अपघातानंतर बंद करण्यात आलीय... एमएमआरडीए या संपूर्ण मेट्रो मार्गाचं बांधकाम करत आहे. वेगवेगळ्या चार टप्प्यांचे ४ वेगवेगळे कंत्राटदार आहेत. ज्या टप्प्यात हा अपघात झाला तिथलं बांधकाम टाटा प्रोजेक्टस लिमिटेड आणि चायना हार्बर इंजिनिअरिंग कंपनीकडे आहे. दरम्यान या अपघातानंतर बंद करण्यात आलेला एलबीएस मार्ग तब्बल ७ तासांनी पुन्हा वाहतूकीसाठी खुला करण्यात आलाय..