Yugendra Pawar Baramati Election | बारामतीची पोटनिवडणूक आम्ही लढणार नाही, युगेंद्र पवारांची भूमिका

Yugendra Pawar Baramati Election | बारामतीची पोटनिवडणूक आम्ही लढणार नाही, युगेंद्र पवारांची भूमिका
बारामती: राज्यातील बारामती आणि राहुरी विधानसभा मतदारसंघाच्या पोटनिवडणुकीची घोषणा केंद्रीय निवडणूक आयोगाकडून काही दिवसांपूर्वी करण्यात आली होती. त्यानुसार या दोन्ही मतदारसंघात २३ एप्रिल २०२६ रोजी मतदान होणार असून, मतमोजणी ४ मे २०२६ रोजी केली जाणार आहे. दिवंगत उपमुख्यमंत्री अजित पवार (Ajit Pawar) यांच्या निधनानंतर बारामती तर शिवाजी कर्डिलेंच्या निधनानंतर राहुरी मतदारसंघाची जागा रिक्त झाली होती. आता भाजपकडून राहुरी मतदारसंघासाठी शिवाजी कर्डिलेंचे सुपुत्र अक्षय कर्डिले (Akshay Kardile) यांना उमेदवारी जाहीर करण्यात आली आहे. तर त्यांच्याविरोधात महाविकास आघाडीतील राष्ट्रवादी काँग्रेस शरदचंद्र पवार पक्षाकडून या मतदारसंघात उमेदवार देण्याची शक्यता आहे. याबाबत राष्ट्रवादी काँग्रेस शरदचंद्र पवार पक्षाचे नेते युगेंद्र पवार यांनी याबाबत आपली प्रतिक्रिया व्यक्त केली आहे. आम्ही बारामतीमध्ये निवडणूक लढणार नाही, राहुरीची जागा लढायची की नाही हे अजून कन्फर्म नाहीये ते प्रदेशाध्यक्ष ठरवतील असंही युगेंद्र पवारांनी म्हटलं आहे. तर सुनेत्रा पवारांनी अर्ज भरण्याच्या दिवशी बोलावलं तर मी नक्की जाईन असंही युगेंद्र पवार म्हणालेत.