Salim Khan Meet Raj Thackeray : सलीम खान राज ठाकरेंच्या भेटीला, गॅलरीमध्ये रंगल्या गप्पा

ज्येष्ठ पटकथा लेखक आणि सलमान खान यांचे वडील सलीम खान (Salim Khan) यांनी मनसे अध्यक्ष राज ठाकरे (Raj Thackeray) यांची त्यांच्या 'शिवतीर्थ' या निवासस्थानी भेट घेतली. या भेटीदरम्यान काढलेल्या एका फोटोमध्ये, 'सलीम खान आणि राज ठाकरे यांच्या दोघांच्याही चेहऱ्यावरती एक दिलखुलास हसू' दिसत आहे. या भेटीवेळी राज यांच्या पत्नी शर्मिला ठाकरे (Sharmila Thackeray) आणि प्रसिद्ध छायाचित्रकार अविनाश गोवारीकर (Avinash Gowariker) हेदेखील उपस्थित होते. शिवतीर्थच्या गॅलरीमध्ये त्यांच्यात गप्पा रंगल्याचे दिसून आले. ही भेट केवळ एक सदिच्छा भेट होती की यामागे काही राजकीय हेतू होता, हे अद्याप स्पष्ट झालेले नाही, ज्यामुळे राजकीय वर्तुळात विविध चर्चांना उधाण आले आहे.