RIP Satish Shah: ज्येष्ठ अभिनेते Satish Shah यांचे निधन, चाहते आणि सहकलाकार हळहळले.

ज्येष्ठ अभिनेते सतीश शाह (Satish Shah) यांचे वयाच्या ७४ व्या वर्षी किडनीच्या आजारामुळे निधन झाले. 'साराभाई व्हर्सेस साराभाई' (Sarabhai vs Sarabhai) मालिकेतील त्यांच्या सहकलाकारांनी विलेपार्ले स्मशानभूमीत मालिकेचे टायटल साँग गाऊन त्यांना एक भावनिक श्रद्धांजली वाहिली. 'साराभाई' मालिकेतील त्यांची 'इंद्रवदन साराभाई' ही भूमिका प्रचंड गाजली होती आणि त्यांच्या निधनाने संपूर्ण कलाविश्वावर शोककळा पसरली आहे. त्यांच्या अंत्यसंस्काराला 'साराभाई' मालिकेतील कलाकार सुमित राघवन (Sumeet Raghavan), रुपाली गांगुली (Rupali Ganguly), आणि राजेश कुमार (Rajesh Kumar) यांच्यासह अनेकजण उपस्थित होते. शनिवारी दुपारी जेवताना अचानक ते कोसळले, त्यानंतर त्यांना रुग्णालयात नेण्यात आले, पण तोपर्यंत त्यांची प्राणज्योत मालवली होती.