Marathwada Tour : माजी मुख्यमंत्री आणि शिवसेना पक्षप्रमुख उद्धव ठाकरे पुन्हा एकदा मराठवाडा दौरा करणार आहेत

माजी मुख्यमंत्री आणि शिवसेना (UBT) पक्षप्रमुख उद्धव ठाकरे (Uddhav Thackeray) यांनी मराठवाड्यातील (Marathwada) पूरग्रस्त भागाचा दौरा करून शेतकऱ्यांच्या समस्या जाणून घेतल्या. 'माझ्या हातात काही नसले तरी, तुम्हाला साथ देण्यासाठी आलो आहे, कोणीही खचू नका आणि वेडंवाकडं पाऊल उचलू नका,' असे भावनिक आवाहन उद्धव ठाकरे यांनी शेतकऱ्यांशी संवाद साधताना केले. या दौऱ्यात त्यांनी लातूर, धाराशिव, बीड, जालना आणि छत्रपती संभाजीनगर या जिल्ह्यांना भेटी देऊन नुकसानीची पाहणी केली. सरकारने जाहीर केलेली मदत अपुरी असून शेतकऱ्यांना हेक्टरी ५० हजार रुपये नुकसान भरपाई द्यावी, अशी मागणी त्यांनी केली. दुसरीकडे, मंत्री संजय शिरसाट यांनी ठाकरेंच्या दौऱ्यावर टीका करत, हा दौरा शेतकऱ्यांपेक्षा कार्यकर्त्यांसाठीच अधिक होता, असा आरोप केला आहे. या दौऱ्यामुळे राज्यातील शेतकरी मदतीचे राजकारण पुन्हा एकदा चर्चेत आले आहे.