Uddhav Thackeray Satyacha Morcha : जागे राहा, नाहीतर अ‍ॅनाकोंडा येईल, उद्धव ठाकरेंचा घणाघात

मुंबईत झालेल्या विरोधी पक्षांच्या 'सत्याचा मोर्चा' सभेत, शिवसेना (UBT) पक्षप्रमुख उद्धव ठाकरे यांनी मतदार यादीतील घोळ आणि मतचोरीच्या मुद्द्यावरून सत्ताधाऱ्यांवर जोरदार हल्ला चढवला. 'जागे रहा नाहीतर अॅनाकोंडा येईल,' असा थेट इशारा देत उद्धव ठाकरे यांनी विरोधकांच्या आक्रमक भूमिकेचे संकेत दिले. ठाकरे पुढे म्हणाले की, 'त्यांची भूक शमत नाही. आपला पक्ष चोरला, निशाणी चोरली, नाव चोरलं आणि आता माझे वडील चोरायचा प्रयत्न केल्यानंतर मतचोरी करायला बघत आहेत.' त्यांनी मुख्यमंत्री एकनाथ शिंदे यांना आव्हान दिले की, जर त्यांच्याकडे काही पुरावे असतील तर त्यांनी आमचा पर्दाफाश करून 'दूध का दूध, पाणी का पाणी' करावे. देशभरातील मतदारांना आपापल्या मतदार याद्या तपासण्याचे आवाहनही त्यांनी केले.