Thackeray Brothers Meet: 'ही भेट कौटुंबिक', राज ठाकरेंचा दावा, पण पालिका निवडणुकांवर खलबतं?

मनसे अध्यक्ष राज ठाकरे (Raj Thackeray) यांनी सहकुटुंब उद्धव ठाकरे (Uddhav Thackeray) यांच्या 'मातोश्री' निवासस्थानी भेट घेतल्याने राजकीय वर्तुळात चर्चांना उधाण आले आहे. 'कसल्या महापालिकेच्या? समजून घ्या,' असं म्हणत राज ठाकरे यांनी ही भेट पूर्णपणे कौटुंबिक असल्याचं स्पष्ट केलं असले, तरी या भेटीमागे राजकीय समीकरणं असल्याची शक्यता नाकारता येत नाही. गेल्या तीन महिन्यांतील ठाकरे बंधूंची ही सहावी भेट आहे. या भेटीत आगामी महापालिका निवडणुका एकत्र लढवण्यावर चर्चा झाल्याची शक्यता वर्तवण्यात येत आहे. मंगळवारी राज ठाकरे मविआ नेत्यांसोबत निवडणूक आयोगाला भेटणार असल्याने, त्या बैठकीची रणनीती देखील या भेटीत ठरली असण्याची शक्यता आहे. या कौटुंबिक स्नेहभोजनामुळे ठाकरे कुटुंबीय एकत्र येत असल्याचा आनंद राजकीय नेत्यांनी व्यक्त केला आहे.