Tiger Attack: चंद्रपुरात 'K-mark' वाघिणीचा रस्त्यावर थरार, दुचाकी-चारचाकी गाड्यांवर हल्ल्याचा प्रयत्न

चंद्रपूर-मूल मार्गावर 'के-मार्क' (K-mark) नावाच्या वाघिणीने दहशत निर्माण केली असून, तिने अनेक दुचाकी आणि चारचाकी वाहनांवर हल्ला करण्याचा प्रयत्न केला आहे. 'उपशमन योजना जर तेव्हाच झाल्या असत्या तर आज अशी दुर्दैवी घटना घडली नसती,' असे मत एका स्थानिक नागरिकाने व्यक्त केले आहे. या हल्ल्यांमध्ये एक दुचाकीस्वार जखमी झाला असून, वनविभागाने तात्पुरता उपाय म्हणून रस्त्याच्या कडेला जाळी लावण्याचे काम सुरू केले आहे. चंद्रपूर जिल्ह्यात वाघ-मानव संघर्ष तीव्र झाला असून, गेल्या दोन महिन्यांत वाघांच्या हल्ल्यात ११ जणांचा मृत्यू झाला आहे. वाढत्या वाघांच्या संख्येमुळे हा संघर्ष वाढला असून, मुख्यमंत्री देवेंद्र फडणवीस यांच्या काकू शोभा फडणवीस यांनी चंद्रपूरमधील वाघ इतर ठिकाणी स्थलांतरित करण्याची सूचना केली होती.