Thane Poster War: '...राजा मेरा अब भी सब पे भारी', ठाण्यात Thackeray गटाच्या बॅनरने वेधले लक्ष!

ठाण्यातील तीन हात नाका परिसरात उद्धव ठाकरे (Uddhav Thackeray) यांच्या शिवसेनेने (Shiv Sena UBT) महायुतीला डिवचणारे बॅनर लावल्याने राजकीय वातावरण तापले आहे. ठाकरे सेनेचे उपशहर प्रमुख तुषार रसाळ (Tushar Rasal) यांनी लावलेल्या या बॅनर्समधून देवेंद्र फडणवीस (Devendra Fadnavis) आणि नरेश म्हस्के (Naresh Mhaske) यांच्यावर निशाणा साधण्यात आला आहे. 'ये डर अच्छा लगा, ईडी, सीबीआय, चुनाव आयोग फौज तो तेरी सारी है, पर जंजिर में जकड़ा, राजा मेरा अब भी सब पे भारी है,' असा मजकूर लिहित ठाकरे गटाने थेट आव्हान दिले आहे. या बॅनरवर उपमुख्यमंत्री देवेंद्र फडणवीस यांच्या नावाने 'जिथे फायदा तिथे आम्ही युती करू, जिथे फायदा नाही तिथे युती करणार नाही,' असे कथित वक्तव्य दिले आहे. तसेच, 'महाविकास आघाडीतील विरोधकांना विरोध न करता महायुतीतील नगरसेवकांना फोडायचं काम चालू आहे,' या नरेश मस्के यांच्या विधानाचाही उल्लेख करत महायुतीतील अंतर्गत राजकारणावर बोट ठेवण्यात आले आहे, ज्यामुळे आगामी स्थानिक स्वराज्य संस्था निवडणुकीच्या पार्श्वभूमीवर हा संघर्ष अधिक तीव्र होण्याची चिन्हे आहेत.