Sanjay Raut On Chandrashekhar Bawankule: बावनकुळेंवर आरोप दाखल करुन चौकशी करा, संजय राऊतांची मागणी

राज्याचे महसूल मंत्री चंद्रशेखर बावनकुळे (Chandrashekhar Bawankule) आणि ठाकरे गटाचे खासदार संजय राऊत (Sanjay Raut) यांच्यात नवा वाद पेटला आहे. बावनकुळे यांनी भंडाऱ्यात बोलताना 'कार्यकर्त्यांचे मोबाईल सर्व्हिलन्सवर टाकलेले आहेत' असं खळबळजनक वक्तव्य केलं. या वक्तव्यानंतर राजकीय वर्तुळात मोठी खळबळ उडाली. संजय राऊत यांनी बावनकुळे यांच्यावर गुन्हा दाखल करून त्यांना अटक करण्याची मागणी केली. टीकेनंतर बावनकुळे यांनी स्पष्टीकरण देत, पक्षाच्या कामावर 'वॉर रूम'मधून लक्ष ठेवलं जातं, असं म्हटलं आहे. पक्षाच्या कामाचा आढावा व्हॉट्सॲप ग्रुप्सच्या माध्यमातून घेतला जातो आणि आम्ही कुणाचेही फोन टॅप केलेले नाहीत, असे सांगत त्यांनी राऊतांचे आरोप फेटाळून लावले.