Supreme Court on Crackers : नीरी संस्थेचे परवाने असलेल्यांना फटाके विक्री करता येणार

दिवाळीच्या पार्श्वभूमीवर, सर्वोच्च न्यायालयाने (Supreme Court) फटाके विक्री आणि वापरावर महत्त्वपूर्ण निर्णय दिला आहे. न्यायालयाने फटाक्यांवर संपूर्ण बंदी घालण्यास नकार दिला, परंतु दिल्ली-एनसीआरमध्ये (Delhi-NCR) फक्त ग्रीन फटाक्यांच्या (Green Crackers) विक्री आणि वापराला परवानगी दिली आहे. सरन्यायाधीश बी.आर. गवई यांच्या खंडपीठाने म्हटले की, 'आम्हाला एक संतुलित दृष्टिकोन स्वीकारण्याची गरज आहे, ज्यामुळे पर्यावरणाशी तडजोड न करता उत्सव साजरा करता येईल'. या निर्णयानुसार, केवळ परवानाधारक विक्रेतेच १८ ते २१ ऑक्टोबर दरम्यान निश्चित केलेल्या ठिकाणी हरित फटाके विकू शकतील. हे फटाके NEERI-प्रमाणित असणे आणि त्यावर QR कोड असणे बंधनकारक आहे. फटाके फोडण्यासाठी दिवाळीच्या दिवशी आणि आदल्या दिवशी सकाळी ६ ते ७ आणि रात्री ८ ते १० अशी वेळमर्यादा घालून देण्यात आली आहे. ऑनलाइन फटाके विक्रीवर पूर्णपणे बंदी घालण्यात आली असून, नियमांचे उल्लंघन करणाऱ्यांचे परवाने रद्द करण्याचा इशाराही न्यायालयाने दिला आहे.