Sugarcane Stir : 'उद्यापासून एकदेखील कारखाना चालू करून देणार नाही', Raju Shetti यांचा इशारा

कोल्हापूरमध्ये (Kolhapur) उसाच्या दरावरून (Sugarcane Price) संघर्ष पुन्हा एकदा पेटला असून, स्वाभिमानी शेतकरी संघटनेचे नेते राजू शेट्टी (Raju Shetti) यांनी आंदोलनाचा पवित्रा घेतला आहे. 'बैठकीतल्या चर्चेवर समाधानी नाही', अशी प्रतिक्रिया राजू शेट्टींनी दिली आहे. जिल्हाधिकाऱ्यांसोबत झालेली ऊस दराबाबतची पहिलीच बैठक निष्फळ ठरल्याने हा वाद आणखी चिघळण्याची शक्यता निर्माण झाली आहे. या बैठकीनंतर राजू शेट्टी यांनी आक्रमक भूमिका घेत उद्यापासून जिल्ह्यातील एकही साखर कारखाना सुरू होऊ देणार नाही, असा थेट इशारा दिला आहे. त्यामुळे कोल्हापूर जिल्ह्यातील साखर कारखानदारी आणि शेतकरी यांच्यातील हा वार्षिक संघर्ष अधिक तीव्र होण्याची स्पष्ट चिन्हं दिसत आहेत.