Maharashtra Politics: 'कलंकित नेत्यांना प्रवेश का?', Solapur मध्ये Dilip Mane यांच्याविरोधात BJP कार्यकर्तेच रस्त्यावर

सोलापूरमध्ये (Solapur) काँग्रेसचे माजी आमदार दिलीप माने (Dilip Mane) यांच्या भाजप (BJP) प्रवेशाच्या शक्यतेने पक्षांतर्गत वाद उफाळून आला आहे. भाजपच्याच पदाधिकाऱ्यांनी, 'घोटाळ्यात बुडालेल्या आणि जनतेची फसवणूक करणाऱ्या कलंकित नेत्याच्या प्रवेशाचा जाहीर निषेध आम्ही करतोय,' अशी उघड भूमिका घेत त्यांच्या पक्षप्रवेशास तीव्र विरोध केला आहे. दिलीप माने यांच्यासोबत काँग्रेस आणि राष्ट्रवादी काँग्रेसच्या इतरही काही माजी आमदारांच्या भाजप प्रवेशाची चर्चा आहे. मात्र, माने यांच्या संभाव्य पक्षप्रवेशाच्या वृत्तामुळे संतप्त झालेल्या भाजप कार्यकर्त्यांनी थेट पक्षाच्या कार्यालयासमोरच धरणे आंदोलन केले. या विरोधामुळे सोलापूर भाजपमधील अंतर्गत गटबाजी आणि दुफळी स्पष्टपणे समोर आली असून, ऐन निवडणुकीच्या तोंडावर पक्षाची डोकेदुखी वाढली आहे.