World Cup Final: विश्वचषकावर नाव कोरणार, सांगलीतील प्रशिक्षक Vishnu Shinde यांना विश्वास

आज होणाऱ्या महिला क्रिकेट विश्वचषक स्पर्धेच्या अंतिम सामन्याकडे सर्वांचे लक्ष लागले आहे, ज्यात भारत दक्षिण आफ्रिकेचा सामना करणार आहे. या पार्श्वभूमीवर, भारताची उपकर्णधार स्मृती मानधना हिच्याकडून मोठ्या अपेक्षा आहेत. ‘स्मृती ही शतकी खेळी करून विश्वचषकावर भारताचं नाव कोरेल’, असा विश्वास स्मृती मानधनाचे सांगलीमधले प्रशिक्षक विष्णू शिंदे यांनी व्यक्त केला आहे. स्मृतीचे लहानपणापासूनचे मित्र विज्ञान माने यांनीही तिच्याकडून अशाच कामगिरीची अपेक्षा व्यक्त केली आहे. भारताने उपांत्य फेरीत ऑस्ट्रेलियाचा पराभव करून अंतिम फेरीत धडक मारली आहे, तर दक्षिण आफ्रिकेने इंग्लंडला हरवून अंतिम फेरी गाठली. हा सामना नवी मुंबईच्या डी. वाय. पाटील स्टेडियमवर होणार असून, भारत किंवा दक्षिण आफ्रिका यापैकी जो संघ जिंकेल, तो पहिल्यांदाच महिला विश्वविजेता ठरेल.