Madhya Pradesh Hospital : रुग्णालयातच रुग्णाची दारू पार्टी, नर्सने रंगेहाथ पकडले

मध्य प्रदेशातील (Madhya Pradesh) अशोकनगर (Ashoknagar) जिल्हा रुग्णालयातून एक धक्कादायक प्रकार समोर आला आहे, जिथे एका रुग्णाने थेट हॉस्पिटलच्या बेडवरच दारूची पार्टी केली. या घटनेचा व्हिडिओ व्हायरल झाल्यानंतर, कर्तव्यावर असलेल्या नर्स गायत्री चौधरी यांनी रुग्णाला आणि त्याच्या नातेवाईकांना खडसावले. 'हे आमच्यासाठी मंदिर आहे, लोक येथे बरे होण्यासाठी येतात आणि तुम्ही इथे बसून हे करत आहात,' अशा शब्दांत नर्सने आपली संतप्त प्रतिक्रिया व्यक्त केली. सर्जिकल वॉर्डमध्ये दाखल असलेल्या देवेंद्र यादव नावाच्या रुग्णाने आपल्या साथीदारांसह दारूचे सेवन केल्याचे या व्हिडिओमध्ये दिसत आहे. यानंतर रुग्ण आणि त्याच्या नातेवाईकांनी माफी मागितली असून रुग्णालय प्रशासनाने या प्रकरणाच्या चौकशीचे आदेश दिले आहेत.