TOP 25 Superfast News : बातम्यांचा वेगवान आढावा : 7 OCT 2025 : टॉप 25 बातम्या : ABP Majha

राज्यातील महत्त्वाच्या घडामोडींचा वेगवान आढावा. शिवसेना धनुष्यबाण चिन्हाबाबत उद्या सुप्रीम कोर्टात अंतिम सुनावणी होणार आहे. ऍडवोकेट असीम सरोदे यांच्या एक्सपोजमध्ये जस्टिस सूर्यकांत सुनावणी घेतील अशी अपेक्षा व्यक्त केली आहे. सोन्याच्या दरात पंधराशे रुपयांची वाढ झाली असून प्रति तोळा एक लाख तेवीस हजार आठशे रुपयांवर पोहोचला आहे. चांदीचा दरही प्रतिकिलो दीड लाखांच्या पार गेला आहे. परिवहन विभागातील भ्रष्टाचाराकडे पंतप्रधानांचे लक्ष वेधण्यासाठी गुरुवारी राज्यातील ॲप आधारित रिक्षा टॅक्सींचा बंद पुकारण्यात आला आहे. अभिनेता अक्षय कुमारने महाराष्ट्र पोलिसांचे बूट बदलण्याची मागणी मुख्यमंत्री देवेंद्र फडणवीस यांच्याकडे केली आहे. मुख्यमंत्र्यांनी यावर आश्वासन दिले आहे. मध्यप्रदेशच्या छिंदवाडा जिल्ह्यातून नागपूरमध्ये उपचारासाठी आणलेल्या एका बाळाचा विषारी कप सिरपमुळे मृत्यू झाला. किडनी निकामी होऊन मेंदूवर सूज आल्याने बाळाचा उपचारादरम्यान मृत्यू झाला. बिकानेरजवळ मालगाडीचे सदतीस डबे घसरले, सुदैवाने कोणतीही जीवित हानी झाली नाही. 'मनाचे श्लोक' या चित्रपटाच्या शीर्षकाला श्री समर्थ सेवा मंडळ सज्जन गड यांनी विरोध केला आहे. पवित्र ग्रंथाच्या नावाचा वापर केल्याने नाराजी असून, नाव न बदलल्यास आंदोलन करण्याचा इशारा दिला आहे.