Sharad Pawar : पूरग्रस्तांना सढळ हाताने मदतीची सरकारची तयारी दिसत नाही - पवार

पुरंदर विमानतळ (Purandar Airport) बाधित शेतकऱ्यांच्या प्रश्नावर शरद पवार (Sharad Pawar) यांनी संवाद साधला, तर दुसरीकडे मराठा आरक्षणाच्या (Maratha Reservation) जीआर विरोधात छगन भुजबळ (Chhagan Bhujbal) यांनी बीडमध्ये (Beed) एल्गार पुकारला आहे. 'शेतकऱ्यांनी जमीन मोजणीला परवानगी दिली आहे, भूसंपादनाला नाही,' असे शरद पवार यांनी ठामपणे सांगितले. शेतकऱ्यांच्या हिताचे रक्षण केले जाईल आणि योग्य मोबदला मिळवून देण्यासाठी मुख्यमंत्री आणि उपमुख्यमंत्र्यांसोबत बैठक आयोजित करणार असल्याचे आश्वासन पवार यांनी दिले. दुसरीकडे, मराठा समाजाला कुणबी प्रमाणपत्र देण्यासंबंधीच्या शासन निर्णयाला (GR) मंत्री छगन भुजबळ यांनी तीव्र विरोध केला आहे. हा जीआर रद्द करावा या मागणीसाठी बीडमध्ये ओबीसी महाएल्गार मेळाव्याचे आयोजन करण्यात आले आहे. याशिवाय, आमदार रोहित पवार यांनी मतदार याद्यांमध्ये (Voter List) गैरप्रकार झाल्याचा आरोप करत निवडणूक आयोगाच्या (Election Commission) कार्यपद्धतीवर प्रश्नचिन्ह उपस्थित केले आहे.