Shaniwar Wada Row: 'मुसलमानांनी नमाज पठण केलं, स्पष्ट सांगा'; Medha Kulkarni संतप्त

पुण्यातील ऐतिहासिक शनिवार वाड्याच्या (Shaniwar Wada) परिसरात काही महिलांनी नमाज पठण केल्याच्या घटनेवरून नवा वाद निर्माण झाला आहे. भाजप खासदार मेधा कुलकर्णी (BJP MP Medha Kulkarni) यांनी या घटनेचा व्हिडिओ सोशल मीडियावर शेअर केल्यानंतर पतितपावन संघटना (Patitpavan Sanghatana) आणि सकल हिंदू समाजाने तीव्र निषेध व्यक्त केला आहे. 'मुसलमानांनी नमाज पठण केलं हे स्पष्ट स्पष्ट सांगा,' असे म्हणत या घटनेवर आक्रमक प्रतिक्रिया उमटत आहेत. यानंतर, आंदोलकांनी गोमूत्र शिंपडून शनिवार वाड्याच्या परिसराचे शुद्धीकरण केले. मेधा कुलकर्णी यांनी 'पुण्याचे वैभव – शनिवार वाडा ऐतिहासिक वारसा स्थळ की गैर हिंदू प्रार्थना स्थळ?' असा सवाल उपस्थित करत प्रशासनाच्या भूमिकेवर प्रश्नचिन्ह निर्माण केले आहे. या प्रकारामुळे पुण्यातील वातावरण तापले असून, पोलिसांनी परिसरात बंदोबस्त वाढवला आहे.