Sushma Andhare on Satara Doctor: डॉक्टर तरुणीच्या मृत्यूप्रकरणी अंधारे संतापल्या,फडणवीसांवर हल्लाबोल

सातारा जिल्ह्यातील फलटणमध्ये एका महिला डॉक्टरच्या आत्महत्येने खळबळ उडाली आहे. या प्रकरणी ठाकरे गटाच्या नेत्या सुषमा अंधारे यांनी तीव्र प्रतिक्रिया दिली आहे. 'राज्याचे गृहमंत्री देवेंद्रजी आहेत, पण त्यांच्याच खात्याचे कर्मचारी जर पिळवणुकीच्या व्यवस्थेचे वाहक होत असतील, तर कुंपणच शेत खात आहे, असे म्हणण्याची वेळ आली आहे,' अशा शब्दात अंधारे यांनी सरकारवर हल्लाबोल केला. त्यांनी सांगितले की, केवळ सुशिक्षित महिलाच नव्हे, तर पुणे, नाशिक आणि ठाण्यासारख्या शहरांमध्ये पोलीस खात्यात काम करणाऱ्या महिला कर्मचारी आणि अधिकारी देखील शोषणाच्या बळी ठरत आहेत. जर संरक्षणाची अपेक्षा असलेले पोलीसच अत्याचार करत असतील, तर महिलांनी न्यायासाठी कोणाकडे पाहावे, असा सवाल त्यांनी उपस्थित केला.