Sanjay Raut On Raj Thackeray : काँग्रेसला सोबत घेण्याची राज ठाकरेंची इच्छा, संजय राऊतांचं वक्तव्य

शिवसेना (UBT) नेते संजय राऊत यांनी महाराष्ट्राच्या राजकारणात खळबळ उडवून देणारं वक्तव्य केलं आहे. मनसे अध्यक्ष राज ठाकरे यांची इच्छा आहे की महाविकास आघाडीचा घटक पक्ष असलेल्या काँग्रेसला सोबत घेतलं पाहिजे, असा दावा राऊत यांनी केला आहे. 'स्वतः राज ठाकरे यांची इच्छा आहे की आपल्याला महाविकास आघाडीतला घटक पक्ष असलेल्या काँग्रेसला सुद्धा सोबत घेणं गरजेचं आहे', असे संजय राऊत म्हणाले. महाराष्ट्रातील प्रत्येक पक्षाला त्याचं स्थान आहे, ज्यात शिवसेना, राष्ट्रवादी काँग्रेस (शरदचंद्र पवार), मनसे, डावे पक्ष आणि त्याचप्रमाणे काँग्रेसचाही समावेश आहे, असंही त्यांनी नमूद केलं. आगामी काळात शिष्टमंडळात काँग्रेसचा समावेश होणं गरजेचं असल्याची भूमिका सगळ्यांची असून राज ठाकरे यांचही तेच मत असल्याचं राऊत यांनी स्पष्ट केलं, पण यावर अद्याप कोणताही अंतिम निर्णय झालेला नाही.