Maharashtra Politics: 'शिंदेंना पक्ष BJP मध्ये विलीन करावा लागेल', Sanjay Raut यांचा खळबळजनक दावा

शिवसेना (UBT) नेते संजय राऊत (Sanjay Raut) यांनी मुख्यमंत्री एकनाथ शिंदे (Eknath Shinde) यांच्यावर जोरदार हल्ला चढवला आहे. 'महानगरपालिका निवडणुका झाल्यावर शिंदेंना त्यांचा पक्ष भाजपमध्ये विलीन करावा लागेल', असा खळबळजनक दावा राऊत यांनी केला आहे. कायद्याच्या आधारे शिंदे गट सुप्रीम कोर्टात आपला बचाव करू शकत नाही, असेही ते म्हणाले. पक्षांतर बंदी कायद्याचे उल्लंघन केल्याचा आरोपही राऊत यांनी केला. पंतप्रधान मोदींना (Narendra Modi) भेटताना मुख्यमंत्री शिंदे लटपटलेल्या अवस्थेत होते, असा टोलाही त्यांनी लगावला. यावर भाजपचे (BJP) माध्यम प्रमुख नवनाथ बन (Navnath Ban) यांनी प्रतिक्रिया दिली असून, राऊत यांच्यावर टीका केली आहे. राऊत यांच्या दाव्यांमुळे महाराष्ट्रातील राजकीय वातावरण पुन्हा एकदा तापले आहे.