Minister's Arrogance: 'पालकमंत्र्यांचे शेड्यूल बिझी आहे', Shirsat यांच्यासाठी रुग्णवाहिकेतून उपोषणकर्ते घरी!

संभाजीनगरचे (SambhajiNagar) पालकमंत्री संजय शिरसाट (Sanjay Shirsat) यांच्यावर असंवेदनशीलतेचा आरोप होत आहे. अतिवृष्टीग्रस्तांच्या मदतीसाठी उपोषणाला बसलेल्या संदीप सेठी (Sandeep Sethi) यांना शिरसाट यांनी उपोषणस्थळी न जाता घरी बोलावून उपोषण सोडायला लावले. 'पालकमंत्र्यांचे बिझी शेड्युल आहे, त्यांना कन्नडला येणे शक्य नाही, उपोषणकर्त्यांनाच इकडे छत्रपती संभाजीनगरला पालकमंत्र्यांच्या घरी आणा', असा निरोप शिरसाट यांच्या स्वीय सहाय्यकाने दिल्याची माहिती समोर आली आहे. कन्नड (Kannad) तहसील कार्यालयासमोर संदीप सेठी हे नऊ दिवसांपासून सरसकट कर्जमाफीसारख्या मागण्यांसाठी उपोषणाला बसले होते. पालकमंत्री घटनास्थळी येत नाहीत तोपर्यंत उपोषण न सोडण्यावर सेठी ठाम होते. अखेर तहसीलदार आणि शिवसेना उपसंघटक शिवाजी थेटे यांनी मध्यस्थी केल्यानंतर, सेठी यांना रुग्णवाहिकेतून संभाजीनगरला शिरसाट यांच्या घरी नेण्यात आले, जिथे त्यांनी मंत्र्यांच्या हस्ते ज्यूस पिऊन उपोषण मागे घेतले.