Maharashtra 'चुकीला माफी नाही, राजीनामा द्या', Rupali Chakankar यांच्याविरोधात Rupali Thombre आक्रमक

फलटण (Phaltan) येथील डॉक्टर प्रकरणानंतर महिला आयोगाच्या अध्यक्षा रुपाली चाकणकर (Rupali Chakankar) यांच्या भूमिकेवरून वाद निर्माण झाला आहे. राष्ट्रवादी काँग्रेसच्या नेत्या रुपाली ठोंबरे पाटील (Rupali Thombre Patil) यांनी चाकणकरांच्या राजीनाम्यासाठी पुणे (Pune) येथे आंदोलन केले आहे. 'ज्या अध्यक्षा चुकलेल्या आहेत, चुकीला माफी नाही, त्यांनी राजीनामा दिला पाहिजे,' असं म्हणत रुपाली ठोंबरे पाटील यांनी थेट चाकणकरांवर हल्लाबोल केला. चाकणकर यांनी पत्रकार परिषदेत मृत तरुणीबद्दल आक्षेपार्ह वक्तव्य केल्याची भावना जनमानसात पसरल्याने सत्ताधारी आणि विरोधक दोघेही आक्रमक झाले आहेत. या आंदोलनामुळे राष्ट्रवादी काँग्रेसमधील अंतर्गत संघर्ष चव्हाट्यावर आला आहे. ठोंबरे पाटील यांनी स्पष्ट केले की, चाकणकर यांचे मत हे राष्ट्रवादी काँग्रेस पक्षाचे अधिकृत मत नाही. दरम्यान, आपल्यावरील आरोपांवर येत्या दोन-तीन दिवसांत सविस्तर भूमिका मांडणार असल्याचे रुपाली चाकणकर यांनी म्हटले आहे.