Rohit Sharma Fitness | हिटमॅनचा 'फिट अँड फाइन' लुक, १० किलो वजन घटवले Special Report

टीम इंडियाचा माजी कर्णधार रोहित शर्माने आगामी ऑस्ट्रेलिया दौऱ्यासाठी कसून तयारी केली आहे. गेल्या काही दिवसांत त्याने तब्बल दहा किलोपेक्षा जास्त वजन घटवले आहे. रोहित शर्माचा मुंबईकर सहकारी आणि भारताचा माजी सहाय्यक प्रशिक्षक अभिषेक नायरने या बदलात महत्त्वाची भूमिका बजावली. नायरने शेअर केलेल्या फोटोला कॅप्शन दिले होते, 'दहा हजार ग्रॅम म्हणजेच दहा किलो कमी करूनही अजून आमची मेहनत सुरू आहे.' या मेहनतीमुळे रोहितने एनसीएमध्ये योयो टेस्ट आणि डीएक्स स्कॅन टेस्टसारख्या फिटनेस टेस्ट आरामात पास केल्या. आयपीएलमध्ये वाढलेल्या वजनामुळे झालेल्या टीकेला रोहितने या फिटनेसने उत्तर दिले आहे. येत्या वीस ऑक्टोबरपासून भारताच्या ऑस्ट्रेलिया दौऱ्याला सुरुवात होत आहे. त्यामुळे या दौऱ्यातील तीन वन डे सामन्यात 'हिटमॅन' रोहितचा 'सुपर हिट' शो पाहण्यासाठी क्रिकेट चाहत्यांना उत्सुकता आहे.