Pawar Politics: 'भाजपवर राग, अजित पवारांवर नाराजी', रोहित पवारांच्या वक्तव्याने नव्या चर्चेला उधाण

स्थानिक स्वराज्य संस्थांच्या निवडणुकीच्या पार्श्वभूमीवर शरद पवार गटाच्या राष्ट्रवादी काँग्रेसच्या भूमिकेमुळे राजकीय वर्तुळात मोठी उत्सुकता निर्माण झाली आहे. भाजपला वगळून इतर कोणत्याही पक्षासोबत स्थानिक परिस्थितीनुसार युती करण्यास पक्ष तयार असल्याचे संकेत दिले आहेत. 'पक्ष फोडल्यामुळे आमचा भाजपवर राग आहे, तर अजित पवारांच्या राष्ट्रवादीवर नाराजी आहे', असे सूचक वक्तव्य आमदार रोहित पवार यांनी केले आहे. शरद पवार गटाच्या महिला विभागाच्या दोन दिवसीय बैठकीत वरिष्ठांनी आघाडीबाबत या सूचना दिल्याचं समजतं. त्यामुळे आगामी काळात अजित पवारांची राष्ट्रवादी, शिंदेंची शिवसेना किंवा मनसे यापैकी कोणासोबत शरद पवार गट तडजोड करणार का, याकडे सर्वांचे लक्ष लागले आहे.