Thackeray Brothers Meet: ठाकरे बंधू पुन्हा एकत्र, युतीच्या चर्चांना जोर

राजकीय वर्तुळात उद्धव ठाकरे (Uddhav Thackeray) आणि राज ठाकरे (Raj Thackeray) यांच्यातील वाढत्या भेटीगाठींमुळे मुंबई महानगरपालिका निवडणुकीच्या (BMC Election) पार्श्वभूमीवर युतीच्या चर्चांना उधाण आले आहे. 'हा स्नेह भोजनाचा कार्यक्रम जरी असला तरी दोन पक्षांचे प्रमुख भेटल्यावर राजकीय चर्चा नेहमीच होतात', असे सूचक विधान राज ठाकरे यांनी केले आहे. मराठी भाषेच्या मुद्द्यावरून ५ जुलै रोजी या भेटींचे सत्र सुरू झाले, त्यानंतर उद्धव ठाकरे यांचा वाढदिवस, गणेश चतुर्थी आणि संजय राऊत (Sanjay Raut) यांच्या नातवाच्या नामकरण सोहळ्यानिमित्त दोन्ही नेते एकत्र आले. या लागोपाठच्या भेटींमुळे 'ठाकरे बंधू' राजकारणात पुन्हा एकत्र येणार का, याकडे संपूर्ण महाराष्ट्राचे लक्ष लागले आहे.