Pune Rave Party Case | रोहिणी खडसेंच्या अडचणी वाढल्या, दीड तास चौकशी

पुण्यातील कथित रेव पार्टी प्रकरणात काही दिवसांपूर्वीच खडसेंचे जावई प्रांजल खेवलकर जामिनावर बाहेर आले होते. मात्र, आता या प्रकरणात गुंतागुंत वाढली आहे. प्रांजल खेवलकरांच्या SIM card बदली प्रकरणात रोहिणी खडसेंच्या अडचणी वाढल्या आहेत. याप्रकरणी अमली पदार्थ विरोधी पथकाने रोहिणी खडसेंना नोटीस बजावली होती. पोलिसांनी रोहिणी खडसेंची दीड तास चौकशी केली. पोलिसांनी दिलेल्या माहितीनुसार, सोनार नावाच्या व्यक्तीच्या चौकशीतून मोठी माहिती समोर आली, ज्याच्या आधारावर ही चौकशी करण्यात आली. या माहितीमुळेच रोहिणी खडसेंना चौकशीसाठी बोलावण्यात आले होते. या प्रकरणामुळे राजकीय वर्तुळात चर्चांना उधाण आले आहे. पुढील तपासात आणखी काही नवीन माहिती समोर येण्याची शक्यता आहे.