Pune Politics: 'महायुतीमध्ये दंगा करायचा नाही', CM Eknath Shinde यांनी Ravindra Dhangekar यांना सुनावलं!

पुण्यातील जैन बोर्डिंग हाऊस (Jain Boarding House) प्रकरणावरून शिवसेना नेते रवींद्र धंगेकर (Ravindra Dhangekar) आणि केंद्रीय मंत्री मुरलीधर मोहोळ (Murlidhar Mohol) यांच्यातील वाद पेटला असताना, धंगेकर यांनी मुख्यमंत्री एकनाथ शिंदे (Eknath Shinde) यांची भेट घेतली. 'धंगेकर काम करणारा कार्यकर्ता आहे, मात्र महायुतीमध्ये दंगा करायचा नाही', असं एकनाथ शिंदे यांनी धंगेकरांना सांगितल्याची माहिती आहे. मुख्यमंत्री आज हेलिपॅडवर पोहोचले असता त्यांनी धंगेकरांना आपल्या गाडीजवळ बोलावून चर्चा केली. या भेटीत मोहोळ प्रकरणावर चर्चा झाल्याचे समजते. आपली भूमिका भाजपच्या विरोधात नाही, असे धंगेकर यांनी स्पष्ट केल्याचेही मुख्यमंत्र्यांनी नमूद केले. या भेटीनंतर, जैन बोर्डिंग प्रकरणी दोन दिवसांत तोडगा काढण्याचे आश्वासन शिंदेंनी दिल्याचे धंगेकर यांनी म्हटले आहे.