Pune Land Row: 'जमिनीचा व्यवहार रद्द करा', Muralidhar Mohol यांना Jain समुदायाने घेरलं!

पुण्यातील जैन बोर्डिंग हाऊस (Jain Boarding House) जमिनीच्या प्रकरणावरून राजकीय वातावरण तापले आहे. केंद्रीय राज्यमंत्री मुरलीधर मोहोळ (Muralidhar Mohol) यांच्यावर शिवसेना नेते रवींद्र धंगेकर (Ravindra Dhangekar) आणि स्वाभिमानी शेतकरी संघटनेचे नेते राजू शेट्टी (Raju Shetty) यांनी गंभीर आरोप केले आहेत. 'जमिनीचा संपूर्ण व्यवहार रद्द केल्याचं जाहीर करा', अशी मागणी करत जैन समुदायाने मोहोळ यांना घेराव घालत घोषणाबाजी केली. या सर्व आरोपांनंतर मुरलीधर मोहोळ यांनी जैन बोर्डिंग हाऊसला भेट देऊन आपली बाजू मांडली. या प्रकरणाशी आपला कोणताही संबंध नसल्याचे सांगत, त्यांनी आपण जैन समाजासोबत असल्याचा विश्वास व्यक्त केला. मात्र, त्यांची भेट संपत असतानाच उपस्थित जैन समुदायाने त्यांना घेराव घालून व्यवहार रद्द करण्याची जोरदार मागणी केली, ज्यामुळे काही काळ गोंधळाचे वातावरण निर्माण झाले होते. मोहोळ यांनी जमावाला शांत करण्याचा प्रयत्न केला.