Supriya Sule on Parth Pawar : भाचा अडचणीत, आत्या धावल्या; 'माझा पार्थवर पूर्ण विश्वास

पुण्यातील कोरेगाव पार्क येथील कथित जमीन व्यवहार प्रकरणी उपमुख्यमंत्री अजित पवार यांचे पुत्र पार्थ पवार यांच्यावर गंभीर आरोप होत आहेत. या पार्श्वभूमीवर त्यांच्या आत्या आणि राष्ट्रवादी काँग्रेसच्या खासदार सुप्रिया सुळे यांनी पार्थ पवार यांची जोरदार पाठराखण केली आहे. 'माझा पार्थवर पूर्ण विश्वास असून तो असे करू शकत नाही,' असे सुप्रिया सुळे यांनी म्हटले आहे. सुळे यांनी या प्रकरणात सरकारवरही अनेक प्रश्न उपस्थित केले. जमीन सरकारची असेल तर तिचा व्यवहार कसा झाला आणि जर व्यवहार झालाच नसेल तर स्टॅम्प ड्युटीची नोटीस कशी आली, असे सवाल त्यांनी विचारले. या प्रकरणात तहसीलदारांना निलंबित करण्याच्या कारवाईवरही त्यांनी टीका केली. संपूर्ण प्रकरणात काहीतरी गोलमाल असून राज्य सरकारने पारदर्शकपणे माहिती द्यावी, अशी मागणी सुळे यांनी केली आहे.