Pune Jain Land Deal: 'नैतिक जबाबदारीतून बाहेर', Vishal Gokhale यांनी व्यवहार रद्द करत परत मागितले ₹230 कोटी

पुण्यातील वादग्रस्त जमीन विक्री प्रकरणात मोठी घडामोड, डेव्हलपर विशाल गोखले (Vishal Gokhale) यांनी माघार घेतली असून केंद्रीय मंत्री मुरलीधर मोहोळ (Murlidhar Mohol) यांचेही नाव या प्रकरणात चर्चेत आहे. 'जैन समाजाच्या भावनांचा आदर करत आणि नैतिक जबाबदारी म्हणून, मी या व्यवहारातून किंवा वसतिगृहाच्या बांधकामातून पुढे जाऊ इच्छित नाही,' असे विशाल गोखले यांनी ट्रस्टला लिहिलेल्या पत्रात म्हटले आहे. सेठ हिराचंद नेमचंद स्मारक ट्रस्टची (Seth Hirachand Nemchand Smarak Trust) मॉडेल कॉलनीतील साडेतीन एकर जमीन गोखले कन्स्ट्रक्शन्सला ३११ कोटी रुपयांना विकण्यात आली होती. या व्यवहारासाठी बुलढाणा अर्बन को-ऑपरेटिव्ह बँकेकडून २० कोटी रुपयांचे कर्जही मंजूर करण्यात आले होते. मात्र, या जागेवर जैन मंदिर आणि वसतिगृह असल्याने जैन समाजाने या विक्रीला तीव्र विरोध केला. वाढता वाद पाहता, गोखले यांनी हा व्यवहार रद्द करण्याची विनंती केली असून, दिलेले २३० कोटी रुपये परत मागितले आहेत. सध्या धर्मादाय आयुक्तांनी या मालमत्तेवर 'जैसे थे' (status quo) आदेश दिला आहे.