Pune Land Row: 'व्यवहार रद्द करा', Muralidhar Mohol यांना जैन समाजाचा घेराव, जोरदार घोषणाबाजी

पुण्यातील जैन बोर्डिंग हाऊसच्या जमिनीच्या वादावरून राजकीय वातावरण तापले आहे, ज्यात केंद्रीय राज्यमंत्री मुरलीधर मोहोळ आणि आमदार रवींद्र धंगेकर यांच्यात आरोप-प्रत्यारोप सुरू आहेत. 'तुम्हाला हवं तसा निकाल मिळेल', असे आश्वासन देत मुरलीधर मोहोळ यांनी १ नोव्हेंबरपर्यंत वाद मिटवणार असल्याचे सांगितले. मोहोळ यांनी जैन बोर्डिंग हाऊसला भेट दिली असता, त्यांना संतप्त जैन समुदायाच्या घेरावाला आणि घोषणाबाजीला सामोरे जावे लागले. आंदोलकांनी जमिनीचा व्यवहार तात्काळ रद्द करण्याची मागणी केली. मोहोळ यांनी आपण जैन समाजासोबत असल्याचे सांगत, त्यांची समजूत काढण्याचा प्रयत्न केला. या प्रकरणी रवींद्र धंगेकर आणि राजू शेट्टी यांनी मोहोळ यांच्यावर गंभीर आरोप केले होते, जे मोहोळ यांनी फेटाळून लावले आहेत.