Pune Land Deal: '₹230 कोटी कुठून आले?', रवींद्र धंगेकरांचा सवाल, Gokhale Builders, मुरलीधर मोहोळ अडचणीत?

पुण्यातील जैन हॉस्टेलच्या जमीन व्यवहार प्रकरणी रवींद्र धंगेकर आणि मुरलीधर मोहोळ यांच्यातील वाद अधिकच चिघळला आहे. 'हे दोनशे तीस कोटी रुपये कुठून आले? बुलढाणा अर्बन बँकेने हे पैसे ब्लॅकचे व्हाईट आणि व्हाईटचे ब्लॅक केलेले आहेत का, याची चौकशी झाली पाहिजे,' असा थेट सवाल आमदार रवींद्र धंगेकर यांनी केला आहे. गोखले बिल्डर्सने हा व्यवहार रद्द करण्यास तयारी दर्शवली असली तरी, बिल्डरने ट्रस्टला दिलेले २३० कोटी रुपये परत करण्यावरून नवीन वाद निर्माण झाला आहे. जैन मुनींनी हे पैसे बिल्डरला परत देण्याचे आवाहन केले आहे, तर दुसरीकडे धंगेकर यांनी ही रक्कम गोठवून ट्रस्टच्या कल्याणासाठी वापरण्याची मागणी धर्मादाय आयुक्तांकडे केली आहे. या प्रकरणी धर्मादाय आयुक्तांपुढे ३० तारखेला सुनावणी होणार असून, त्यांच्या निर्णयाकडे सर्वांचे लक्ष लागले आहे.