Pune Land Deal: '...२३० कोटी परत मिळावेत', Vishal Gokhale यांची Jain Boarding कडे मागणी, व्यवहार रद्द

पुण्यातील वादग्रस्त जैन बोर्डिंग जमीन व्यवहारात (Pune Jain Boarding Land Deal) आता नवे वळण आले आहे. विकासक विशाल गोखले (Vishal Gokhale) यांनी हा व्यवहार रद्द करत असल्याचे ईमेलद्वारे विश्वस्तांना कळवले आहे. 'आम्ही हा व्यवहार रद्द करत असून आमचे दोनशे तीस कोटी परत मिळावेत', असे विशाल गोखले यांनी म्हटले आहे. मात्र, गोखले आणि जैन बोर्डिंगच्या विश्वस्तांमध्ये झालेल्या करारानुसार, व्यवहार रद्द झाल्यास विश्वस्त पैसे परत देण्यास बांधील नसतील, त्यामुळे या पैशांचे भवितव्य आता धर्मदाय आयुक्तांच्या (Charity Commissioner) निर्णयावर अवलंबून आहे. समाजाच्या भावनांचा आदर करून नैतिक जबाबदारी म्हणून हा व्यवहार रद्द करत असल्याचे गोखले यांनी म्हटले आहे. या प्रकरणाची पुढील सुनावणी धर्मदाय आयुक्तांपुढे होणार असून, ते गोखलेंना पैसे परत देण्याचे आदेश देतात का, याकडे सर्वांचे लक्ष लागले आहे.