Ravindra Dhangekar: Eknath Shinde सुतळी बॉम्बसारखे, चंद्रकांत पाटील कोणत्या फटाकेसारखे?

काँग्रेस आमदार रवींद्र धंगेकर (Ravindra Dhangekar) यांनी 'एबीपी माझा'च्या दिवाळी विशेष कार्यक्रमात (Diwali Special) राजकीय नेत्यांना फटाक्यांची उपमा देत जोरदार आतषबाजी केली. यात त्यांनी मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस (Devendra Fadnavis), मनसे अध्यक्ष राज ठाकरे (Raj Thackeray) आणि पंतप्रधान नरेंद्र मोदी (Narendra Modi) यांच्यावर मिश्किल टिप्पणी केली. स्वतःला कोणता फटाका मानता यावर उत्तर देताना धंगेकर म्हणाले, 'मी फायर हू, फायर'. धंगेकरांच्या मते, मुख्यमंत्री एकनाथ शिंदे हे 'बॉम्ब' आहेत, ज्यांचा आवाज ताकदीने येतो, तर राज ठाकरे हे 'टाईम बॉम्ब' आहेत जे वेळ आल्यावर फुटतात. उपमुख्यमंत्री देवेंद्र फडणवीस यांना 'डबल शॉट' फटाक्याची उपमा दिली, कारण ते अजित पवार आणि एकनाथ शिंदे अशा दोघांसोबत काम करतात. पंतप्रधान मोदींना 'टॉप टेन' फटाका, तर राहुल गांधींना 'टू शॉट्स' म्हटले. भाजप नेते नितेश राणे यांना 'पॉप अप' आणि प्रवीण दरेकर यांना 'चुटपूट' फटाका म्हटले. शिवसेना (UBT) नेते संजय राऊत आणि सुषमा अंधारे यांना 'पाऊस' तर भाजप नेत्या चित्रा वाघ यांना 'चक्री' असे संबोधले आहे.