Dharashiv Politics: बॅनरबाजीनंतर दोनच दिवसांत स्थगिती, नगरविकास विभागाच्या पत्रामुळे वाद पेटणार

धाराशिवमधील (Dharashiv) अंतर्गत राजकीय संघर्ष पुन्हा एकदा चव्हाट्यावर आला आहे, ज्यामध्ये भाजपचे आमदार राणा जगजीतसिंह पाटील (BJP MLA Rana Jagjitsinh Patil) आणि राज्याचे नगरविकास विभाग यांच्यातील मतभेद समोर आले आहेत. आमदार राणा जगजीतसिंह पाटील यांनी शहरात १७ कोटी रुपयांच्या रस्त्यांच्या कामांना मंजुरी मिळाल्याची घोषणा करत बॅनरबाजी केली होती, पण त्यानंतर अवघ्या दोन दिवसांतच नगरविकास विभागाने या कामांना स्थगिती दिल्याने राजकीय वर्तुळात खळबळ उडाली आहे. या प्रकारामुळे सत्ताधारी महायुतीमधील मतभेद पुन्हा एकदा समोर आले आहेत. धाराशिवचे पालकमंत्री प्रताप सरनाईक (Pratap Sarnaik) असून, त्यांच्यासमोरच जिल्ह्यात विकास कामांवरून संघर्ष सुरू आहे. यापूर्वीही जिल्हा नियोजन समितीच्या बैठकीत कामांना दिलेल्या स्थगितीवरून खासदार ओमराजे निंबाळकर आणि आमदार राणा पाटील यांच्यात वाद झाला होता.