खातं बरं वाईट नसतं, आपण काम कसं करतो हे महत्त्वाचं; नारायण राणे यांचं संजय राऊत यांना प्रत्युत्तर

नारायण राणे यांनी सुक्ष्म खातं मिळालं आहे, अशा शब्दांत शिवसेना खासदार संजय राऊत यांनी टीका केली आहे. त्यावर प्रत्युत्तर देताना नारायण राणे म्हणाले की, "संजय राऊत यांना काहीना काही बोलायचंच असतं. चांगलं नाही, तर वाईटच बोलायचं असतं. त्यांना मी सांगीन की, कोणतंही खातं बरं वाईट नसतं. त्यासाठी आपण काम कसं करतो हे महत्त्वाचं असतं. या खात्याला मी ज्यावेळी न्याय देईन, तेव्हा संजय राऊतच म्हणतील खरोखर हे खातं चांगलं होतं, मोठं होतं आणि महत्त्वाचं होतं."