Pigeon Politics : 'शांतिदूताच्या कबुतरांना त्याच्या राज्यात पाठवा', पोस्टरमुळे नवा वाद

मुंबईतील कबुतरखान्यांवरून (Kabutarkhanas) पुन्हा एकदा वाद पेटला असून, गिरगावकर संघटनेने (Girgaumkar Sanghatana) लावलेले पोस्टर्स चर्चेचा विषय ठरले आहेत. या पोस्टरवर 'शांतिदूताच्या कबुतरांना आता त्याच्या राज्यामध्ये जनकल्याणासाठी पाठविण्याची सुरुवात प्रत्येक मराठी लोकांनी करावीच लागेल' असा मजकूर लिहिण्यात आला आहे. कबुतरांच्या वाढत्या संख्येमुळे आणि त्यांच्या विष्ठेमुळे श्वसनाचे आजार पसरत असल्याचा दावा करत, मुंबई उच्च न्यायालयाने शहरांतील ५१ कबुतरखान्यांवर बंदी घालण्याचे आदेश दिले होते. या पार्श्वभूमीवर, गिरगावकर संघटनेने आक्रमक भूमिका घेतली असून, या पक्षांना त्यांच्या मूळ ठिकाणी पाठवण्याची मागणी केली आहे. या निर्णयामुळे प्राणीप्रेमी, विशेषतः जैन समुदायामध्ये नाराजी पसरली आहे, तर दुसरीकडे अनेक स्थानिक नागरिक आरोग्याच्या कारणास्तव या बंदीचे समर्थन करत आहेत.