Phaltan Doctor Case : साताऱ्यात डॉक्टर महिलेचा मृत्यू, एकमेकांवर आरोप-प्रत्यारोप Special report

फलटणमधील (Phaltan) महिला डॉक्टरच्या आत्महत्येमुळे राज्यातलं राजकारण तापलं असून, माजी खासदार रणजितसिंह नाईक निंबाळकर (Ranjitsinh Naik Nimbalkar) आणि मुख्यमंत्री देवेंद्र फडणवीस (Devendra Fadnavis) चर्चेच्या केंद्रस्थानी आहेत. 'अशा संवेदनशील विषयाचं राजकारण करणारे हे दुर्दैवी लोक आहेत', अशा शब्दांत मुख्यमंत्री देवेंद्र फडणवीस यांनी विरोधकांना फटकारले आहे. दुसरीकडे, डॉक्टर तरुणीच्या कुटुंबीयांनी ही आत्महत्या नसून हत्या असल्याचा आरोप करत, पुरावे नष्ट केल्याचा दावा केला आहे. या प्रकरणाची चौकशी उच्च न्यायालयाच्या समितीमार्फत करण्याची मागणी त्यांनी केली आहे. सुषमा अंधारे (Sushma Andhare) यांनी ननावरे दाम्पत्य आत्महत्या प्रकरणाचा उल्लेख करत निंबाळकरांवर गंभीर आरोप केले आहेत, तर मेहबूब शेख (Mehboob Shaikh) यांनी आगावणे कुटुंबाच्या छळाचा मुद्दा उपस्थित केला आहे. याशिवाय, एका दुसऱ्या कुटुंबाने आपल्या मुलीच्या शवविच्छेदन अहवालात बदल करण्यासाठी मृत डॉक्टरवर दबाव टाकण्यात आल्याचा आरोप केल्याने प्रकरणाला नवे वळण मिळाले आहे.