Phaltan Doctor Case : फलटण महिला डॉक्टर प्रकरणी आरोपी प्रशांत बनकर निर्दोष, कुटुंबियांचा दावा

फलटण (Phaltan) येथील महिला डॉक्टर आत्महत्या प्रकरणी पोलिसांनी एका आरोपीला अटक केली आहे. पीडित डॉक्टरला शारीरिक आणि मानसिक त्रास दिल्याचा आरोप असलेला प्रशांत बनकर (Prashant Bankar) याला अटक करण्यात आली आहे, तर पोलीस उपनिरीक्षक गोपाळ बदने (Gopal Badne) हा दुसरा आरोपी अद्याप फरार आहे. 'प्रशांत बनकर निर्दोष आहे', असा दावा करत त्याच्या कुटुंबीयांनी हे आरोप फेटाळून लावले आहेत. पीडित डॉक्टरने आत्महत्येपूर्वी तिच्या हातावर लिहिलेल्या नोटमध्ये, पोलीस उपनिरीक्षक बदनेने बलात्कार केला तर बनकरने मानसिक आणि शारीरिक छळ केला, असा आरोप केला आहे. ही डॉक्टर बनकरच्या घरी वरच्या खोलीत भाड्याने राहत होती. या घटनेमुळे संपूर्ण महाराष्ट्रात संताप व्यक्त होत असून, आरोपींवर कठोरात कठोर कारवाई करण्याची मागणी जोर धरत आहे.