Phaltan Doctor Case : माजी खासदारांवर गंभीर आरोप, निंबाळकरांनी आगवणे कुटुंबाचा छळ केल्याचा आरोप

फलटणमधील एका महिला डॉक्टरच्या आत्महत्येप्रकरणी राजकीय वातावरण तापले असून, माजी खासदार रणजितसिंह नाईक-निंबाळकर यांच्यावर गंभीर आरोप होत आहेत. मुख्यमंत्री देवेंद्र फडणवीस यांनी निंबाळकर यांची पाठराखण करत म्हटले आहे की, 'प्रेताच्या टाळूवरचं लोणी खाण्याचं राजकारण राज्यात काहीजण करत आहेत, पण मी ते सहन करणाऱ्यांपैकी नाही'. फलटणमधील डॉक्टर तरुणीने आत्महत्या करण्यापूर्वी हातावर सुसाईड नोट लिहून एका पोलीस उपनिरीक्षकासह एका तरुणावर गंभीर आरोप केले होते. या प्रकरणात माजी खासदार रणजितसिंह नाईक-निंबाळकर यांचे नाव आल्याने विरोधकांनी त्यांच्या चौकशीची मागणी केली आहे. सुषमा अंधारे यांनीही निंबाळकर यांच्या दबावामुळेच हा प्रकार घडल्याचा आरोप केला आहे. तर, या आरोपांनंतर देवेंद्र फडणवीस यांच्या सभेत बोलताना रणजितसिंह निंबाळकर यांना अश्रू अनावर झाले.