Phaltan Doctor case: 'माजी खासदार Ranjitsinh Nimbalkar यांना सहआरोपी करा', Ambadas Danve यांची मागणी

फलटण (Phaltan) येथील महिला डॉक्टर आत्महत्या प्रकरणावरून राजकीय वाद पेटला असून, शिवसेना (UBT) नेते अंबादास दानवे (Ambadas Danve) आणि भाजपचे माजी खासदार रणजितसिंह नाईक निंबाळकर (Ranjitsinh Naik Nimbalkar) यांच्यात आरोप-प्रत्यारोप सुरू आहेत. 'मी तर म्हणेल माजी खासदारांनासुद्धा याच्यात आरोपी केलं पाहिजे,' अशी थेट मागणी अंबादास दानवे यांनी केली आहे. दानवे यांनी आरोप केला आहे की, निंबाळकरांचे बंधू अभिजित निंबाळकर आणि त्यांचे पीए अधिकाऱ्यांवर दबाव टाकून यंत्रणा चालवतात. या प्रकरणात PI महाडिक नावाच्या अधिकाऱ्याचाही उल्लेख असून, त्यांनाही आरोपी करण्याची मागणी दानवेंनी केली आहे. दुसरीकडे, रणजितसिंह नाईक निंबाळकर यांनी हे सर्व आरोप फेटाळून लावले आहेत. कोणताही पुरावा नसताना केवळ चुकीच्या माहितीच्या आधारे वातावरण गढूळ करण्याचा आणि राजकीय षडयंत्र रचण्याचा हा प्रकार असल्याचं निंबाळकर यांनी म्हटलं आहे.