Phaltan Doctor Death: हॉटेलवर बोलावून हत्या', Sushma Andhare यांचा थेट आरोप

फलटण (Phaltan) डॉक्टर आत्महत्या प्रकरणावरून राजकारण तापलं असून, माजी खासदार रणजितसिंह नाईक-निंबाळकर (Ranjitsinh Naik-Nimbalkar) यांच्यावर गंभीर आरोप झाले आहेत. शिवसेना (UBT) नेत्या सुषमा अंधारे (Sushma Andhare) यांनी पत्रकार परिषद घेत निंबाळकरांवर आरोपांची राळ उठवली. 'महिला डॉक्टरने आत्महत्या केली नसून, तिची हॉटेलवर बोलावून हत्या झाल्याचा संशय आहे,' असा खळबळजनक आरोप सुषमा अंधारे यांनी केला. यावेळी अंधारे यांनी नानावरे दाम्पत्याच्या आत्महत्येपूर्वीचा एक व्हिडिओ सादर करत, त्यांनी मृत्यूपूर्वी निंबाळकरांचं नाव घेतल्याचा दावा केला. बीडच्या आगवणे कुटुंबाने देखील निंबाळकरांकडून छळ होत असल्याचा आरोप केला आहे, तर साताऱ्यातील एका कुटुंबाने आपल्या मुलीचा शवविच्छेदन अहवाल बदलण्यासाठी दबाव टाकल्याचा संशय व्यक्त केला आहे. या सर्व प्रकरणांची उच्चस्तरीय समिती नेमून चौकशी करण्याची मागणी अंधारे यांनी केली आहे.